NBC: Tramp 13 avgust kuni Yevropa yetakchilari va Zelenskiy bilan muloqot qiladi

AQSh prezidenti Donald Tramp 13 avgust kuni Yevropa mamlakatlari rahbarlari va Ukraina prezidenti Volodimir Zelenskiy bilan telefon orqali muloqot qiladi. Bu haqda NBC News telekanali xabar berdi.

Xabarga ko‘ra, AQSh yetakchisining qo‘ng‘irog‘i Zelenskiyning Yevropa davlatlari vakillari bilan muzokaralaridan so‘ng amalga oshirilishi kutilmoqda.

Undan so‘ng esa katta ehtimol bilan Zelenskiyning Kiyevni qo‘llab-quvvatlovchi YeI davlatlari, shuningdek, Buyuk Britaniya va Kanada vakillari bilan muzokaralari o‘tkaziladi.

15 avgust kuni Donald Tramp Alyaskada Rossiya prezidenti Vladimir Putin bilan uchrashishi rejalashtirilgan. Uchrashuvda Ukrainadagi nizoni bartaraf etish masalasi muhokama qilinadi.