Tramp yana AQSh «dunyodagi eng qaynoq mamlakat» ekanini aytdi

Oq uy rahbari endi butun dunyo Qo‘shma Shtatlarga havas qilayotganini ta’kidladi.

Foto: Kevin Lamarque / Reuters

AQSh bir yil avval «o‘lik mamlakat» edi, endi esa «barchaning hasadiga» erishdi, dedi Amerika prezidenti Donald Tramp.

«Bir yil oldin Qo‘shma Shtatlar deyarli o‘lik mamlakat edi. Endi biz dunyoning istalgan burchagida «qaynoq» mamlakatmiz, hammaning havasi keladi», deb yozdi Tramp Truth Social ijtimoiy tarmog‘ida.

Avvalroq Tramp Fox News telekanaliga bergan intervyusida rossiyalik hamkasbi Vladimir Putin bilan 15 avgust kuni Alyaskada bo‘lib o‘tgan uchrashuvi haqida gapirar ekan, AQSh «zambarak kabi qaynoq» ekanini aytdi, «garchi bir yil oldin u [Putin] Amerika o‘lgan deb o‘ylagan bo‘lsa ham».

Tramp 8 avgust kuni ham NATO a’zolari yetakchilarining fikriga tayanib, AQSh dunyodagi «eng qaynoq» mamlakatga aylanganini aytdi. Prezidentning ta’kidlashicha, bunday natijaga erishishda unga tarif siyosati yordam bergan.

«Ular [tariflar] bizga faqat pul keltirmadi. Bu milliardlab, trillionlab dollar, lekin dushman ustidan ulkan hokimiyat hamdir. Biz Pokiston va Hindiston bilan beshta urushni yakunladik», dedi Tramp.

Tayyorlagan: Сардор Юсупов

#AQSh #Donald Tramp