YHXX 2 sentabr kuni jamoat transportidan foydalanishga chaqirdi

Ichki ishlar vazirligi Yo‘l harakati xavfsizligi xizmati (YHXX) aholini o‘quv yilining birinchi kunida shaxsiy avtomobillarga emas, balki jamoat transportiga ustunlik berishga chaqirdi.

Foto: Kun.uz

Qayd qilinishicha, 2 sentabr kuni maktablarda birinchi qo‘ng‘iroq chalinadi va odatda ko‘chalarda tirbandliklar ko‘payadi.

«Shaxsiy avtotransport vositalarini boshqarish ayniqsa, shahar markazlarida ko‘plab tirbandliklarni yuzaga keltirishi mumkin. YHXX fuqarolardan bugungi kunda har tomonlama qulay va jozibador ko‘rinishga kelayotgan jamoat transportidan foydalanishni so‘raydi», deyiladi xabarida.

O‘zbekiston maktablarida yangi o‘quv yili 2 sentabrdan, oliy o‘quv yurtlari va litseylarning 1-kurs talabalari uchun 3 sentabrdan, boshqa kurs talabalari uchun esa 8 sentabrdan boshlanadi.

Tayyorlagan: Сардор Юсупов

#jamoat transporti #YHXX #maktab ta’limi