Abituriyentlarning 41 foizi minimal ballni ham to‘play olmadi

2025 yilda 614 ming 768 nafar abituriyent testga kirgan bo‘lib, ularning 253 ming 844 nafari (41,29 foiz) 56,7 ballni (maksimal ballning 30 foizi) ham to‘play olmagan.

Eng yomon ko‘rsatkich Andijon viloyatida (47,6 foiz), nisbatan yaxshiroq natija esa Buxoro hamda Toshkent shahrida (31,4 foiz) qayd etilgan.

2023 yilda 8 ta, 2024 yilda esa 4 ta hududda abituriyentlarning 50 foizdan ko‘prog‘i 56,7 balldan past ball olgan. Joriy yilda bironta hududda bunday salbiy ko‘rsatkich qayd etilmagan.

O‘tgan yilga qaraganda natijasini eng ko‘p yaxshilagan 5 ta hudud:

1. Qoraqalpog‘iston Respublikasi — 9%
2. Navoiy — 8,9%
3. Sirdaryo — 8,1%
4. Buxoro — 7,8%
5. Qashqadaryo — 6%

Ma’lumot uchun, 56,7 ball — bu to‘plash mumkin bo‘lgan eng yuqori 189 ballning 30 foizi degani.