«Ko‘ngillilar koalitsiyasi» tarkibiga kiruvchi Yevropa davlatlari Ukraina uchun urushdan keyingi xavfsizlik kafolatlarini tayyorlab qo‘ygan hamda Kiyev va Moskva tinchlik bitimi imzolangandan keyin ularni berishga tayyor bo‘ladi. Bu haqda Fransiya prezidenti Emmanuel Makron 3 sentabr, chorshanba kuni Parijda ukrainalik hamkasbi Volodimir Zelenskiyni qabul qilish chog‘ida aytib o‘tdi, deb yozadi dpa.
Makronning so‘zlariga ko‘ra, Ukraina uchun xavfsizlik kafolatlari Vashingtondagi Ukraina bo‘yicha avgust sammitidan so‘ng «ko‘ngillilar koalitsiyasi» harbiy rahbariyati tomonidan birgalikda tayyorlangan. «Mamlakatlarning bugun kunning ikkinchi yarmida mudofaa vazirlari darajasida qat’iy maxfiylikda tayyorlangan, hujjatlashtirilgan va ma’qullangan hissalari shuni aniq aytishga imkon beradi: bu ish yakunlandi va endi siyosiy jihatdan tasdiqlanadi», dedi Fransiya prezidenti.
4 sentabr kuni Parijda gibrid rejimda bo‘lib o‘tadigan «ko‘ngillilar koalitsiyasi» yig‘ilishida ushbu kafolatlar muhokama qilingandan so‘ng, «biz Ukraina va yevropaliklar uchun mustahkam, uzoq muddatli tinchlikka tayyormiz», deb aytish mumkin bo‘ladi», dedi Emmanuel Makron.
