BMT rezolyutsiyasi: Ikki davlat tamoyili, lekin HAMASsiz

BMT Bosh assambleyasi Falastin-Isroil kelishuvida «ikki xalq uchun ikki davlat» tamoyiliga qaytishga chaqiruvchi rezolyutsiyani qabul qildi. Hujjatda, shuningdek, Falastinning HAMAS harakatining G‘azo sektoridagi hukmronligini tugatish talabi ham bor. 12 sentabr, juma kuni ushbu hujjatni qo‘llab-quvvatlash uchun 142 davlat ovoz berdi, o‘nta davlat, jumladan, AQSh va Isroil qarshi chiqdi. 12 a’zo davlat betaraf qoldi.

Matn Fransiya va Saudiya Arabistoni tomonidan taqdim etilgan, deb xabar beradi AFP. Isroil hukumati ovoz berishni keskin tanqid qilgan bo‘lsa, Falastin milliy ma’muriyati (FMM) buni olqishladi.

Rezolyutsiyaga ko‘ra, HAMAS harakati «xalqaro ko‘mak va hamkorlik bilan» qurollarini G‘arbiy sohilda FMMga topshirishi va 2023 yil 7 oktyabrda ushlangan isroillik garovga olinganlarni ozod qilishi kerak. Hujjat HAMAS jangchilarining tinch aholiga qarshi hujumlarini qoralaydi.