London Rossiya mudofaa sektoriga qarshi sanksiyalarni kengaytirdi

Buyuk Britaniya Rossiya korxonalari va jismoniy shaxslariga qarshi yangi sanksiyalar paketini e’lon qildi. Bu haqda Buyuk Britaniya hukumati tomonidan chop etilgan bayonotda aytilgan.

Sanksiyalar ro‘yxatiga Rossiya mudofaa sanoati bilan aloqador kompaniyalar, jumladan: "Anozit", "Proton", "Sinvent", "Elekond", "Poisk", "Texnodinamika", "Ruspolimet", Sarapul radiozavodi va Mitishchi uskunalar zavodi kirdi. Cheklovlar qator konstruktorlik byurolariga, shuningdek, harbiy sanoat uchun radioelektronika va kimyoviy xomashyo ishlab chiqaruvchi korxonalarga ham ta’sir ko‘rsatdi.

Shuningdek, sanksiyaga uchragan shaxslar: London Rossiya harbiy-sanoat kompleksiga yordam berishda ayblagan Shenzhen Blue Hat International Trade Xitoy kompaniyasining egalari Yelena va Aleksey Malitskiy.