Ozarboyjonda mushkul ahvolda qolgan fuqaro O‘zbekistonga qaytarildi

Diplomatik missiya ma’lumotiga ko‘ra, Namangan viloyatida tug‘ilgan fuqaro X.M. O‘zbekistonga yetib olishi uchun yordam so‘rab murojaat qilgan.

Ma’lum bo‘lishicha, X.M. 2 sentabr kuni vaqtincha ishlash maqsadida Ozarboyjon hududi orqali Gurjistonga borish uchun Boku shahriga kelgan. Biroq, Gurjiston chegara xizmati xodimlari unga kirishga ruxsat bermagan va u ortga qaytishga majbur bo‘lgan.

Murojaat o‘rnatilgan tartibda o‘rganilganidan so‘ng unga yordam ko‘rsatildi. X.M. uchun Boku – Toshkent yo‘nalishidagi samolyotga aviachipta sotib olindi va u O‘zbekistonga kuzatib qo‘yildi.