O‘zbekiston Misrga guruch va quruq mevalar sotishni boshlashi mumkin

O‘zbekiston elchixonasida Makka for Import and Export kompaniyasi rahbari Ahmad al-Malvaniy bilan uchrashuv bo‘lib o‘tdi.

Foto: "Dunyo" AA

Suhbat chog‘ida O‘zbekistondan Misr va Yaqin Sharq davlatlariga ip-kalava va oziq ovqat mahsulotlarini eksport qilish imkoniyatlari ko‘rib chiqildi.

Makka for Import and Export kompaniyasi rahbari Misrda mavjud bo‘lmagan o‘zbek mahsulotlarini, xususan guruch va quruq mevalarni mahalliy bozorlarga keltirishga qiziqish bildirdi.

Tomonlar logistika yo‘nalishlari, transport xarajatlari va yetkaziladigan tovarlar uchun to‘lovni amalga oshirish tartibi xususida fikr almashdi.

O‘zbekiston eksportyorlari bilan hamkorlik o‘rnatish, xorijiy investorlar uchun yaratilgan sharoitlar bilan bevosita tanishish maqsadida, joriy yil noyabr oyida Makka for Import and Export kompaniyasi rahbarining O‘zbekistonga biznes-missiyasini tashkil etishga kelishildi.