APEX TAKAFUL va APEX MOLIYA: XX Xalqaro islomiy moliya olimlari forumi (IISF 2025) homiylari

Muhokamalar markazida islom moliya institutlarini rivojlantirish istiqbollari — islomiy darchalardan to ixtisoslashgan banklarning to‘laqonli faoliyatini yo‘lga qo‘yish, huquqiy jihatdan tartibga solish masalalari, shariat nazoratining o‘rni hamda sohada standartlarini uyg‘unlashtirish zaruriyati kabi mavzular bo‘ldi. Islom moliyasining ijtimoiy ahamiyati hamda zakot va vaqf kabi vositalar orqali barqaror rivojlanishga qo‘shadigan hissasiga alohida e’tibor qaratildi. ISSF 2025ʼning o‘tkazilishi mamlakatimizning islom moliyasining yangi markaziga  aylanish yo‘lidagi muhim qadam bo‘lib, sohaning qonunchilik asoslarini shakllantirishga qaratilgan “O‘zbekiston–2030” strategiyasi maqsadlariga to‘liq hamohangdir.

APEX MOLIYA – yurtimizda islom moliyasi xizmatlarini taqdim etishni birinchilardan bo‘lib boshlagan yangi mikrokredit tashkilotidir. Islomiy ijara, murobaha (nasiya savdo), muzoraba (foydani taqsimlash), mushoraka (sherikchilik) va salam (oldindan to‘lovga asoslangan moliyalashtirish) kabi taqdim etilayotgan xizmatlarning barchasi islomiy moliyalashtirishning mezonlari va tartiblariga to‘liq mos keladi. Markaziy bank boshqaruvining “Mikromoliya tashkilotlari tomonidan islomiy moliyalashtirishga oid xizmatlarni ko‘rsatish tartibi to‘g‘risidagi nizomni tasdiqlash haqida”gi 2024 yil 19 iyuldagi 23/4-son qarori bilan tashkilotlar faoliyatining huquqiy asoslari shakllantirilib, alohida hisob yuritish va islomiy moliya masalalarini muvofiqlashtiruvchi maxsus kengash joriy etilishi belgilab qo‘yildi. Bunday qulay shart-sharoitlarda APEX MOLIYA kichik biznes va aholiga xizmat ko‘rsatib, ularga muqobil moliyaviy vositalardan kengroq foydalanish imkoniyatini yaratib bermoqda.

APEX TAKAFUL — APEX INSURANCE sug‘urta kompaniyasining “islom darchasi” bo‘lib, nufuzli “Al-Huda” Islom bankchiligi va iqtisodiyoti markazi tomonidan sertifikatlangan. Loyiha doirasidagi barcha mahsulotlar islom moliyasi tamoyillariga to‘liq muvofiqligi, O‘zbekiston musulmonlari idorasi Fatvo markazining ijobiy xulosasi asosida tasdiqlangan. Bugungi kunda APEX TAKAFUL biznes vakillari va jismoniy shaxslar uchun keng ko‘lamdagi islomiy sug‘urta mahsulotlarini taklif etmoqda.

“Biz ushbu forumdagi ishtirokimizdan va ekspert guruhlarida faol ish olib borayotganimizdan faxrlanamiz. Biz islom moliyasi mamlakat iqtisodiyotini rivojlantirishi hamda odamlarga yangi moliyaviy imkoniyatlarni kengaytirishi bo‘yicha ulkan salohiyatni ko‘rmoqdamiz. Shu bilan birga, biz aholi o‘rtasida islom moliyasi haqidagi bilim va ko‘nikmalarni oshirib borishni o‘z oldimizga maqsad qilganmiz”, - deya ta’kidladi APEX MOLIYA bosh direktori Ma’sud Isomiddinov.

 "Islom moliya tizimining asosiy komponentlari — islom bankchiligi, takoful va suquq - bir-biri bilan chambarchas bog‘liq bo‘lib, birgalikda barqaror rivojlanishni ta’minlaydi. Aynan shuning uchun ham professional muloqot maydonchalari juda muhim: forum ushbu komponentlarning o‘zaro bog‘liqligini chuqurroq muhokama qilish, tajriba almashish va yangi hamkorlik aloqalarini o‘rnatish imkonini berdi", - dedi APEX TAKAFUL yo‘nalishi rahbari Maqsud Sobirov.

Bog‘lanish uchun ma’lumotlar:

·    APEX MOLIYA: Toshkent shahri Kichik halka yo‘li 2/91, tel.: 55 510 33 33, Instagram: @apexmoliya

·    APEX TAKAFUL: Toshkent shahri Nurafshon ko‘chasi 36/3, tel.: 94 997 08 08, Instagram: @apextakaful.uz