Belarus rahbari Aleksandr Lukaşenko Ukraina prezidenti Volodimir Zelenskiy bilan gaplaşişga tayyor. Bu haqda Lukaşenkoning özi «Rossiya 1» telekanali muxbiri Pavel Zarubinga bergan intervyusida ma’lum qildi. Zarubin 26 sentabr, juma kuni Lukaşenkoning Rossiya prezidenti Vladimir Putin bilan Kremlda bölib ötgan muzokaralaridan söng bölib ötgan uşbu suhbatdan parçalarni özining Telegram-kanalida joylaştirdi.
«Unga aytadigan gapim bor (Zelenskiyga)», — dedi Lukaşenko. «Menimça, maslahatlaşuvga kirişiş vaqti keldi. «SVO»ning boşida (Rossiya hukumati va kremlparast OAV Ukrainadagi uruşni şunday ataydi) biz, uçta slavyan davlati rahbarlari, ötirib, bir töxtamga kelişimiz kerakligini aytganman. Bu tuşunarsiz uruşni töxtatişga rozi bölamiz. Agar kelişib olişimiz kerak bölsa, kelişib olamiz», — dedi Lukaşenko.
Ukrainaga kelsak, «stol ustida yaxşi taklif bor», uni AQŞ prezidenti Donald Tramp Alyaskada eşitib, «körib çiqiş va muhokama qiliş» uçun Vaşingtonga olib ketdi, deya davom etgan Lukaşenko. «Juda yaxşi taklif», dedi u va uşbu şartlar Volodimir Zelenskiy uçun ma’qul, «amerikaliklar ularni umuman ma’qullagan» degan fikrni bildirdi. Vaşington hozirça bu ma’lumotga izoh bermagan.
Lukaşenkoga köra, ular 2022 yilda töxtab, tinçlik örnatişi kerak edi. Şunda Qrimdan taşqari butun şarq Ukrainaga tegişli bölardi.
