Moskvadagi «Sadovod» bozorida o‘zbek kompaniyalari uchun savdo nuqtalari va omborxonalar ijaraga olindi

Moskva shahridagi «Sadovod» savdo majmuasida savdo nuqtalari va omborxonalar ijaraga olindi va o‘zbek kompaniyalariga bepul taqdim etilmoqda. Bu haqda Investitsiyalar, sanoat va savdo vazirligi ma’lum qildi. 

Xabarda aytilishicha, majmuadagi bevosita savdo jarayonidan tashqari, eksportyorlar Rossiyaning Wildberries, Ozon, Yandeks.Market kabi yirik onlayn-platformalariga va boshqa saytlariga chiqish hamda butun mamlakat bo‘ylab mijozlarni qamrab olish imkoniyatiga ega bo‘ladi.

«Sadovod» bozori Moskva janubi-sharqiy ma’muriy okrugida joylashgan bo‘lib, 1990-yillar boshida ochilgan. U 40 gektardan ziyod maydonni egallagan. 

Ma’lumotlarga ko‘ra, bozorga kuniga 100 mingdan ortiq xaridor keladi. Tadbirkorlar Zarax Iliyev va God Nisanovlar mazkur bozor egasi hisoblanadi.