So‘nggi kunlarda noma’lum uchuvchisiz uchish apparatlari (UUA) bilan bog‘liq hodisalar ortib borayotgan bir paytda Daniya qiruvchi samolyotlarini havoga ko‘tardi. 28 sentabr, yakshanba kuni kechqurun harbiy samolyot Bornholm oroli uzra bir nechta parvozlarni amalga oshirdi, deb xabar berdi mahalliy politsiya TV 2 telekanaliga. Ularga ko‘ra, bu «chalg‘ituvchi operatsiya» bo‘lgan.
Ikkita F-35 qiruvchi samolyoti ishtirok etdi, deb xabar berdi Berlingske nashri politsiyaga tayanib. Daniya qurolli kuchlari ma’lumotni tasdiqlamadi va izoh bermadi.
Bundan tashqari, kecha davomida politsiya uchuvchisiz uchoqlar kuzatilgani haqida ko‘plab xabarlarni oldi. Bunga javoban u o‘z patrullari yordamida tekshiruv o‘tkazdi. «Bugun - yulduzli tun. Aynan shu narsa xabarlarning ko‘p bo‘lishiga sabab bo‘lgan», — deya tushuntirdi huquq-tartibot idoralari.
