"Mamlakatimizda o‘z faoliyatini yakunlayotgan Falastinning O‘zbekistondagi elchisi Javad Muhammad Avad janoblari bilan uchrashdik, – deb yozdi O‘zbekiston TIV rahbari o‘zining Telegram-kanalida. – O‘zbekiston-Falastin munosabatlarini mustahkamlash va xalqlarimiz o‘rtasidagi do‘stlikni chuqurlashtirish yo‘lidagi Elchinining sa’y-harakatlariga chin dildan minnatdorlik bildiramiz".
Qayd etilishicha, O‘zbekiston BMT rezolyutsiyalariga muvofiq, "ikki xalq uchun – ikki davlat" tamoyilini amalga oshirishning qat’iy tarafdori.
"Elchi janoblariga kelgusi faoliyatida muvaffaqiyatlar tilaymiz", dedi Baxtiyor Saidov.
