2025 yil 12 oktyabrdan boshlab Yevropa Ittifoqi tashqi chegaralarida yagona kirish-chiqish tizimini bosqichma-bosqich joriy qilish boshlanadi.
TIV ma’lumotiga ko‘ra, yangi raqamli tizim pasportlarga muhr bosish amaliyotini almashtiradi. Endilikda uchinchi davlat fuqarolarining, jumladan, O‘zbekiston fuqarolarining ham barcha kirish va chiqishi elektron shaklda qayd etiladi.
Yevropa Ittifoqi mamlakatlariga sayohat qilishni rejalashtirayotgan barcha O‘zbekiston fuqarolaridan yangi qoidalarni diqqat bilan o‘qib chiqish so‘raldi.
