12 oktyabr, yakşanba kuni tuşdan keyin Afğoniston va Pokiston örtasidagi taranglik kuçaydi, deb xabar berdi AFP har ikki tomon bayonotlariga tayanib. Har ikki davlat çegaradagi töqnaşuvlar natijasida önlab kişilar halok bölgan. Bu raqamlarni mustaqil ravişda tekşiriş imkoni yöq.
Kobuldagi hukmron "Tolibon" harakati vakili Zabihulloh Mujohidning ma’lum qilişiça, 58 nafar Pokiston askari halok bölgan, Islomobod bu raqamlarni tasdiqlamadi. "Tolibon"ga köra, qöşni davlatning 20 ta çegara posti vaqtinça egallab olingan. Afğoniston buni «javob harakati» deb atadi. Mujohid, şuningdek, töqqiz afğon askari halok bölganini da’vo qildi.
Pokiston ommaviy axborot vositalari xavfsizlik manbalariga tayanib, afğon tomonida ham «köp sonli qurbonlar» borligini, Pokiston kuçlari 19 ta afğon çegara postini öz nazoratiga olganini xabar qildi, deb xabar beradi AFP.
Kuni keça Afğoniston va Pokiston çegarasidagi mojaro "Tolibon" va Pokiston askarlari örtasidagi şiddatli qurolli töqnaşuvlar bilan avj oldi. Ikki kun avval "Tolibon" Islomobodni Afğoniston hududiga havo hujumlarida ayblagan edi.
9 oktyabr kuni Kobul va Afğoniston janubi-şarqida sodir bölgan qator portlaşlardan söng Afğoniston Mudofaa vazirligi Pokistonni suverenitetini buzganlikda aybladi. Islomobod havo hujumlariga aloqadorligini rad etdi, lekin Kobulni «öz hududida Pokiston toliblariga boşpana berişni töxtatişga» çaqirdi.
Pokiston hukumati ularni 2021 yildan beri yuzlab pokistonlik askarlarni öldirganlikda ayblamoqda. Pokistonlik toliblar Afğonistonda jangovar tayyorgarlikdan ötadi va afğon hamkasblari mafkurasini qöllab-quvvatlaydi, deya xabar beradi AFP. Pokiston razvedkasidagi manbalarning dpa axborot agentligiga ma’lum qilişiça, Islomobod zarbalari Pokiston toliblari yetakçisi Nur Vali Mehsudga qaratilgan.
