Der Klassiker «Bavariya» g‘alabasi bilan yakunlandi

Germaniyada Myunxen klubini hech kim to‘xtata olmayapti.

Foto: Getty Images

Germaniya chempionatida mavsumning eng muhim o‘yinlaridan biri «Bavariya» - «Borussiya Dortmund» o‘tkazildi.

Der Klassiker nomi bilan mashhur bellashuvda myunxenliklar 2:1 hisobida g‘alaba qozondi. O‘yinni «Alyans Arena»da 75 mingdan ortiq tomoshabin kuzatdi.

22-daqiqada «Bavariya»ning ingliz hujumchisi Harri Keyn burchak zarbasidan so‘ng to‘pni boshi bilan darvozaga yo‘lladi.

78-daqiqada «Borussiya» futbolchisi Job Bellingemning xatosidan foydalangan Maykl Olise ikkinchi golni urdi.

84-daqiqada Yulian Brandt o‘ng qanotdan jarima maydoniga yetkazilgan to‘pni darvozaga kiritib, hisobni qisqartirdi.

«Bavariya» Bundesliga jadvalida 100 foizlik natija bilan peshqadamlik qilmoqda – 7 o‘yin, 7 g‘alaba va 21 ochko. «Borussiya Dortmund» 14 ochko bilan 4-o‘rinni egallab turibdi.