Qoʻshimcha funksionallar
-
Tungi ko‘rinish
O‘zbekiston 25 mlnga yaqin xorijiy sayyohni jalb qilishni rejalashtirmoqda
O‘zbekistonda 2030 yilga borib xorijiy sayyohlar soni - 25 millionga, ichki sayyohlar soni esa 50 million nafarga yetishi mumkin.
Xususan, yangi xalqaro aeroportlar qurilib, ularning soni 18 tagacha yetkazildi. Hududlarda 7 ta xalqaro aeroport zamon talablariga muvofiq ta’mirlanmoqda. Shuningdek, sayyohlar soni yildan yilga oshib borayotgani sababli, sohadagi yetakchi xorijiy ekspertlar va jamoatchilik vakillarini inobatga olgan holda Toshkent viloyatida yangi xalqaro aeroport ham barpo qilinmoqda.
Hozirda Saudiya Arabistoni, Birlashgan Arab Amirliklari, Qatar, Koreya, Xitoy, Hindiston, Malayziya, Turkiya, Rossiya, Polsha kabi davlatlarning 51 ta aviakompaniyasi O‘zbekistonga doimiy qatnovlarni amalga oshirmoqda. AQShdan 22 ta zamonaviy Boeing samolyotining xarid qilinishi esa O‘zbekistonni Janubi-Sharqiy Osiyo, Yevropa, AQSh va boshqa mintaqalar bilan bog‘lab, sayyohlar hamda ishbilarmonlar uchun yangi imkoniyatlar yaratmoqda.
Shu bilan birga, mamlakat ichida temiryo‘l va avtomobil infratuzilmasi ham modernizatsiya qilinmoqda. Turistik yo‘nalishlarni bog‘lovchi yangi qulay elektrpoyezdlar va tezyurar poyezdlar, elektrobuslar qatnovi yo‘lga qo‘yilmoqda, avtobus parki hamda yo‘lbo‘yi infratuzilmasi mamlakat chekka hududlarini ham qamrab olgan turistik marshrutlar bo‘ylab rivojlantirilmoqda.
