Toshkent shahar IIBB YHXB ma’lumotiga ko‘ra, 2025 yil 31 oktyabr kuni soat 18:00 atrofida Mirzo Ulug‘bek tumani, Mo‘minova — Olimlar ko‘chalari kesishmasi hududida Cobalt va Lixiang rusumli transport vositalari ishtirokida yo‘l-transport hodisasi sodir bo‘lgan. Tez tibbiy yordam xodimlari voqea joyida Cobalt haydovchisi va yo‘lovchisini ko‘rikdan o‘tkazib, zarur birlamchi yordam ko‘rsatgan.
Hodisa sabablari va ishtirokchilarning harakatlari qonuniy baholanishi uchun Toshkent shahar IIBB YHXB mas’ul xodimlari tomonidan surishtiruv ishlari olib borilmoqda. Qo‘shimcha ma’lumot ochiqlanganda xabar yangilanadi.
