Uchrashuvda ikki mamlakat OTM o‘rtasida bakalavr va magistratura bosqichlarida qo‘shma ta’lim dasturlarini yo‘lga qo‘yish, dual diplom loyihalari mexanizmini ishlab chiqish hamda talabalar va professor-o‘qituvchilar almashinuvini kengaytirish masalalari muhokama qilindi.
Tomonlar o‘zaro tan olish, o‘quv dasturlarini uyg‘unlashtirish, stajirovkalar va qo‘shma seminar-treninglar taqvimini shakllantirish bo‘yicha kelishib oldi.
Shuningdek, ilmiy-tadqiqot hamkorligi, laboratoriya bazalaridan qo‘shma foydalanish, startap va innovatsion guruhlarni qo‘llab-quvvatlash kabi yo‘nalishlarda hamkorlikni institutsional darajada mustahkamlash nazarda tutildi.
Axborot-texnologik yechimlardan samarali foydalanish va raqamli ta’lim platformalarini joriy etish ham ustuvor vazifalardan biri sifatida qayd etildi.
