AQŞ mudofaa vaziri Pit Hegset Lotin Amerikasi narkokartellariga qarşi «Janubiy nayza» operatsiyasi boşlanganini e’lon qildi. U heç qanday tafsilotlarni oşkor qilmadi. Ammo şunisi aniqki, operatsiyaning asosiy maqsadi katta ehtimol bilan Venesuela böladi: AQŞ prezident Nikolas Maduroni taxtdan ağdarmoqçi.
Oktyabr oyidayoq AQŞ Venesuelaga nisbatan siyosatni keskin kuçaytirganida Maduro Rossiyadan yordam söragandi. Noyabr oyi boşida u özining haftalik teleşousida Venesuela Rossiya bilan har qaçongidan ham köproq birdamligiga işontirdi.
Biroq Moskvaning Venesuela atrofida kuçayib borayotgan inqirozga reaksiyasi – xotirjam va hatto sovuq, deb yozadi The Atlantic. Eskalatsiya boşlanganidan keyingi sönggi bir neça oy içida Rossiya prezidenti ham, Rossiyaning yuqori martabali amaldorlaridan birortasi ham AQŞ bilan töğridan töğri töqnaşuv yuz bergan taqdirda Rossiya Venesuelaga yordamga kelişga tayyorligini oşkora bildirmadi.
11 noyabr kuni taşqi işlar vaziri Sergey Lavrov Rossiyadagi naşrlar bilan muloqotda Venesuela harbiy yordam sörab murojaat qilmagani va ikki tomonlama kelişuvlar doirasida Moskva Venesuelani taşqi tajovuzdan himoya qilişga majbur emasligini ma’lum qildi.
Aftidan, Maduro Rossiyaning boşqa ittifoqçilari – Armaniston, Suriya va Eron öz vaqtida duç kelgan muammoga duç kelmoqda. The Atlantic bu davlatlarning barçasi sönggi vaqtlarda Rossiyadan harbiy yordam söragani, ammo Moskva Ukraina bilan uruşda bandligi tufayli bunday yordam körsata olmaganini eslagan: armiya holdan toygan, resurslar çeklangan va eng muhimi, «Ukraina yönalişi» şunday ustuvor yönalişki, Rossiya buning uçun hamma narsadan voz keçişga tayyor.
Armaniston 2023 yilda Ozarboyjondan mağlubiyatga uçradi va Qoraboğni boy berdi – garçi u Rossiyaning Kollektiv xavfsizlik şartnomasi böyiça rasmiy majburiyatlari doirasida qöllab-quvvatlaşni söragan bölsa ham. Suriyada 2024 yilda prezident Başar Asad taxtdan ağdarildi – u Suriya fuqarolar uruşi paytida Rossiya tomonidan faol yordam körsatilgan köp yillik ittifoqçi edi. Moskva faqat Asadni mamlakatdan olib çiqişda yordam bera oldi. Eron 2025 yil yozida Isroil va AQŞ aviatsiyasi zarbalariga uçradi, Rossiya esa uni heç qanday tarzda qöllab-quvvatlamadi.
Venesuela 2006 yildan beri Rossiyadan qurol sotib oladi. Öşa paytdagi prezident Ugo Çaves bu qurollarni Amerika tahdidi qarşisida Venesuela suvereniteti kafolati deb atagan.
Venesueladagi Rossiya ta’siri boşqa şakllarda ham namoyon böldi – Karakas köçalaridagi Rossiya va Venesuela bayroqlari birgalikda aks etgan graffitidan tortib, Petróleos de Venesuela milliy neft kompaniyasining «Rosneft» bilan yaqindan hamkorlik qilişigaça.
