Qoʻshimcha funksionallar
-
Tungi ko‘rinish
Hakamlik sudi sudyasiga nisbatan jinoyat ishi qo‘zg‘atildi
Hakamlik sudi sudyasi Andijon viloyatida istiqomat qiluvchi ikki fuqaroni Janubiy Koreyaga mavsumiy ishchi sifatida jo‘natishni va’da qilib, ulardan 15 ming AQSh dollari talab qilgani, shuningdek, 4 100 dollarni “avans” tariqasida olgani uchun jinoiy javobgarlikka tortilishi mumkin.
Foto: DXX
Ma’lum qilinishicha, sudya o‘zining go‘yoki yuqori lavozimda ishlovchi tanishlari orqali masalani hal qilib berishini aytgan. U fuqarolarni Janubiy Koreyaga mavsumiy ishchi sifatida yuborish evaziga jami 15 000 AQSh dollari talab qilgan va ishni tezroq “bitirib berish” bahonasida oldindan 4 100 AQSh dollarini olgan.
Biroq u bergan va’dasini bajara olmagan. Oldin olgan pul mablag‘ining bir qismini qaytarib berish jarayonida Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari tomonidan ashyoviy dalillar bilan ushlandi.
Rasmiy ma’lumotga ko‘ra, sudyaga nisbatan Jinoyat kodeksining 168-moddasi 3-qismi “a” bandi (katta miqdorda firibgarlik) va 28, 211-moddasi 2-qismi “b” bandi (pora berish) bilan jinoyat ishi qo‘zg‘atilgan. Unga nisbatan “qamoq” ehtiyot chorasi qo‘llangan.
Hozirda mazkur holat yuzasidan tergov harakatlari olib borilmoqda.
Mavzuga oid
22:08 / 13.12.2025
Andijon va Samarqandda kuchli ta’sir qiluvchi dorilar savdosi bilan shug‘ullangan shaxslar ushlandi
10:52 / 13.12.2025
48 jabrlanuvchiga 12,5 mlrd so‘m zarar – “Bilol's motors” avtosaloni rahbari 9 yilga qamaldi
13:55 / 11.12.2025
Jizzaxda bedarak yo‘qolgan IIB xodimi Bo‘stonliqdan topildi. U firibgarlikda gumonlanmoqda
08:25 / 11.12.2025