Agentlikka ko‘ra, jamoatchilik eshituvlari atom elektr qurilishi loyihasi, uning texnik ko‘rsatkichlari, xavfsizlik tizimi, iqtisodiy va ijtimoiy ahamiyati yuzasidan aholini xabardor qilish, fikr va takliflarni o‘rganishga qaratilgan.
Loyihaning asosiy texnik ko‘rsatkichlari quyidagicha:
- umumiy quvvati — 2110 MVt;
- yillik elektr energiyasi ishlab chiqarish — 16–17 mlrd kVt·soat;
- O‘zbekistonning energiya balansidagi ulushi — 12–15 foiz;
- ekspluatatsiya muddati — 60 yil.
Loyiha doirasida yaratiladigan yangi ish o‘rinlari:
- qurilish davrida — 13 000 nafargacha;
- ekspluatatsiya davrida — 2 000 nafargacha.
O‘zbekistonda AES qurilishi loyihasining bosh pudratchisi sifatida «Atomstroyeksport» AJ belgilangan. U atom elektr stansiyalarini qurish bo‘yicha dunyoda eng katta eksport shartnomalari portfeliga ega «Rosatom» davlat korporatsiyasining muhandislik divizioni hisoblanadi.
Loyiha xavfsizlik nuqtai nazaridan atom energetikasi sohasida eng ilg‘or texnologiyalardan biri hisoblangan VVER-1000 hamda RITM-200N reaktorlari asosida AES qurishni nazarda tutadi.
Jamoatchilik eshituvlari doirasida aholi, ekspertlar, fuqarolik jamiyati vakillari va manfaatdor tomonlar ishtirok etishi mumkin.
