Toshkent va Samarqand fuqarolik obektlari qurilishi bo‘yicha yetakchi hududlar bo‘ldi

2025 yil yanvar–oktyabr oylarida O‘zbekistonda fuqarolik obektlari qurilishi bo‘yicha 51,6 trln so‘mlik qurilish ishlari amalga oshirildi. Milliy statistika qo‘mitasi ma’lumotlariga ko‘ra, bu jami qurilish ishlarining 20,9 foizini tashkil etib, o‘tgan yilning mos davriga nisbatan 28 foizga o‘sish qayd etilgan. Eng yuqori ko‘rsatkichlar Toshkent shahri va Samarqand viloyati hissasiga to‘g‘ri keldi.

Ma’lumotlarga ko‘ra, fuqarolik obektlari qurilishi hajmi Toshkent shahrida 13,4 trln so‘m, Samarqand viloyatida esa 9,2 trln so‘mni tashkil etgan. Shu bilan birga, Toshkent viloyati (5,8 trln so‘m), Buxoro viloyati (3,8 trln so‘m) va Farg‘ona viloyati (3,1 trln so‘m) ham yirik qurilish hajmlari bilan ajralib turibdi.

Qoraqalpog‘iston Respublikasida 2 trln so‘m, Navoiy viloyatida 2,4 trln so‘m, Surxondaryo viloyatida 2,6 trln so‘m, Xorazm viloyatida 2,1 trln so‘mlik fuqarolik qurilish ishlari bajarildi. Andijon va Sirdaryo viloyatlarida 1,8 trln so‘mdan, Jizzax viloyatida 1,1 trln so‘m, Namangan viloyatida esa 983,2 mlrd so‘mlik qurilish ishlari amalga oshirilgani qayd etildi.