1 kg palov qiymati: Qoraqalpog‘istonda – eng arzon, Toshkent shahrida – eng qimmat

Milliy statistika qo‘mitasi ma’lumotlariga ko‘ra, 2025 yil noyabr oyi uchun 1 kilogramm palov tayyorlashning hisoblangan qiymati hududlar kesimida quyidagicha shakllandi (raqamlar yaxlitlangan):

• Qoraqalpog‘iston Respublikasi – 98 100 so‘m;
• Andijon viloyati – 105 800 so‘m;
• Buxoro viloyati – 107 500 so‘m;
• Jizzax viloyati – 109 300 so‘m;
• Qashqadaryo viloyati – 111 100 so‘m;
• Navoiy viloyati – 109 200 so‘m;
• Namangan viloyati – 108 600 so‘m;
• Samarqand viloyati – 112 500 so‘m;
• Surxondaryo viloyati – 111 400 so‘m;
• Sirdaryo viloyati – 104 100 so‘m;
• Toshkent viloyati – 112 000 so‘m;
• Farg‘ona viloyati – 115 200 so‘m;
• Xorazm viloyati – 106 600 so‘m;
• Toshkent shahri – 116 100 so‘m.

Shu tariqa, 1 kilogramm palov tayyorlash bo‘yicha eng past qiymat Qoraqalpog‘iston Respublikasida (98,1 ming so‘m), eng yuqori qiymat esa Toshkent shahrida (116,1 ming so‘m) kuzatilgan.

Statistik hisob-kitoblarda 1 kilogramm palov tayyorlash uchun quyidagi mahsulotlar to‘plami asos qilib olingan:

• kungaboqar yog‘i – 0,3 l;
• piyoz – 300 gr;
• mol go‘shti – 700 gr;
• sabzi – 1 kg;
• guruch – 1 kg;
• no‘xat – 100 gr;
• zira – 10 gr;
• osh tuzi – 20 gr.

Ushbu raqamlar to‘g‘ridan to‘g‘ri bozorda sotilayotgan tayyor palovning narxini aks ettirmaydi. Ularda mahsulotlar bahosi bilan bir qatorda palov tayyorlash va boshqa xizmatlar xarajatlari ham inobatga olingan.