2025 yilning 11 oyida Rossiyada 1,19 mln dona yangi yengil avtomobil sotilgan. Bu ötgan yilning şu davridagi körsatkiçga nisbatan 17,8 foizga kam (öşanda 1,45 mln dona avtomobil sotilgan edi), deb xabar berdi çorşanba kuni, 3 dekabrda, «Avtostat» tahlil agentligi avtomobillarni röyxatdan ötkaziş ma’lumotlariga tayanib.
Şu bilan birga, noyabr oyida Rossiyada yangi yengil avtomobillar savdosi ötgan yilning şu oyiga nisbatan 5,0 foizga oşgani qayd etilgan — uşbu oyda 127,9 ming dona maşina sotilgan. Bir yil oldin bu körsatkiç 121,8 mingni taşkil etgan.
Rossiya bozorida sotuvlar böyiça yetakçi brend sifatida hanuzgaça mahalliy işlab çiqaruvçi «AvtoVAZ»ning LADA markasi qolmoqda. Noyabr oyida yangi avtomobillar savdosining 21,4 foizi aynan şu brend hissasiga töğri keldi. Biroq bir yil oldin bu uluş barça yangi yengil avtomobillar sotuvining qariyb uçdan bir qismiga, ya’ni 31,1 foizga teng edi.
Ikkinçi örinda ommaboplik böyiça Xitoyning Haval brendi qolmoqda, reytingdagi uçinçi poğonani esa ilk bor faqat avgust oyida sotuvga çiqarila boşlangan yangi Rossiya brendi TENET egalladi. Rossiyada eng köp sotilayotgan avtomobillar top-10 röyxatiga, şuningdek, Xitoyning Geely, Changan, Chery va Jetour markalari, Belarus brendi Belgee, Rossiyada çiqariladigan Solaris hamda Yaponiyaning Toyota’si (3 970 dona) kirgan.
The Moscow Times naşri ta’kidlaşiça, Rossiya avtomobil bozorida talab dinamikasi utilizatsiya tölovi oşirilişi jadvaliga katta darajada boğliq: uşbu tölov oşirilişidan oldin savdo keskin ösadi, söngra jiddiy ravişda pasayadi. 2025 yilda utilizatsiya tölovini hisoblaşning yangi tartibini 1 noyabrdan joriy etiş rejalaştirilgan edi, ammo keyinçalik bu muddatni bir oyga keçiktirişga qaror qilindi.
