Inson ruhiyatini tinchlantiruvchi, ko‘zni charchatmaydigan sokin ranglar so‘nggi yillarda interer dizaynida eng yuqori talabli yo‘nalishlardan biriga aylandi. Asosiy maqsad — vizual shovqindan xoli, barqaror va hotirjam muhit yaratishdir. Ana shu tendensiya asosida Tikkurila brendi o‘zida chuqur matt yuza, sokin ranglar va nur qaytarmaydigan xususiyatni birlashtirgan yangi mahsuloti — Mute bo‘yog‘ini O‘zbekistonda ilk bor IDA Uzbekistan tadbirida jamoatchilikka taqdim etdi. Taqdimotda ishtirok etgan dizaynerlar va mutaxassislar Mute’ni zamonaviy intererda xotirjamlik yaratishga qaratilgan innovatsion yechim sifatida baholadilar.
Tikkurila kompaniyasi savdo menejeri Xolida Ahmedova ta’kidlashicha, Mute bu yilning eng katta yangiligi hisoblanadi:
“Biz birinchi marta IDA’da ishtirok etayapmiz va bu Tikkurila uchun juda muhim tadbir. Bu yerda bizning asosiy auditoriyamiz dizaynerlar, arxitektorlar va hamkorlarimiz to‘plangan. Tikkurila har yili har yili o‘z oldiga yangilik yaratishni maqsad qiladi. Mute esa bu yilning shov-shovli yangiliklaridan bo‘ldi. Uning 18 ta maxsus rang palitrasi inson qalbiga orom beradi. Eng katta afzalliklaridan biri devorda yaltiramasligi, nurni qaytarmasligidir. Bu xonada vizual shovqinni kamaytiradi va insonga hotirjamlik baxsh etadi. Biz mijozlarimiz Mute’ni ijobiy qabul qilishiga ishonamiz.”
Mute odatiy bo‘yoqlardan farqli ravishda devorga bir tekisda suriladi, nurni minimal darajada aks ettiradi va xonaga barqaror, sokin ko‘rinish beradi. Yorug‘lik o‘zgaradigan xonalarda ham rang o‘sha holicha saqlanishi intererda professional natijaga erishish imkonini yaratadi. Shu xususiyatlari tufayli Mute’dan dam olish xonalari, ish ofislari, yotoqxonalar va ichki sokinlik talab qilinadigan har qanday joyda samarali foydalanish mumkin.
Interer bo‘yicha ekspertlar Mute’ning aynan vizual shovqinni kamaytirish xususiyatini eng muhim jihat sifatida ta’kidladi. Ularning fikrga ko‘ra, nurni qaytarib yuboradigan devor inson ko‘zini charchatib yuboradi va barcha energiyani so‘rib oladi. Natijada inson kun davomida o‘zini charchagandek his qilib yuradi. Mute’da esa unday emas.U o‘zining matt yuzasi bilan insonga energiya bera oladi, dam olish va qayta tiklanishiga yordam beradi.
