Strategiya loyihasiga muvofiq, tibbiyot sohasida raqamli texnologiyalarni keng joriy qiliş maqsadida bir qator aniq körsatkiçlar belgilangan. Jumladan, tibbiyot muassasalarini raqamlaştiriş darajasini 100 foizga yetkaziş hamda sohaga zamonaviy yeçimlarni olib kiriş uçun 20 ta sun’iy intellekt loyihasini işga tuşiriş rejalaştirilgan.
Loyihada sun’iy intellekt yeçimlari, avvalo, diagnostika va monitoring jarayonlarini takomillaştiriş, ma’lumotlar asosida qaror qabul qilişni tezlaştiriş, xizmatlar sifati va bemorlar uçun qulaylikni oşirişga xizmat qilişi közda tutilgan. Şuningdek, raqamlaştiriş orqali tibbiy xizmatlarni hisobga oliş, yöllanmalar va qabul jarayonlarini tizimlaştiriş, ma’lumotlar almaşinuvini yaxşilaş kabi vazifalarning samaradorligini oşiriş maqsad qilingan.
Strategiya loyihasida aholi salomatligini yaxşilaş böyiça boşqa maqsadlar ham belgilangan: birlamçi tibbiy xizmatlarni yaqinlaştiriş, profilaktik köriklarni kengaytiriş, şuningdek, ayrim kasalliklar böyiça davolaş va erta aniqlaş körsatkiçlarini oşiriş kabi yönalişlar ham umumiy maqsadlarga uyğun tarzda nazarda tutilgan.
Mazkur taşabbuslar tibbiyotda raqamli infratuzilmani mustahkamlaş, xizmatlar sifatini yangi bosqiçga olib çiqiş va resurslardan foydalaniş samaradorligini oşirişga qaratilgan.
