Maduro ag‘darilgach, Venesuelada nimalar bo‘lmoqda – fotosuratlar

3 yanvar kuni tongga yaqin Venesuela poytaxti Karakas va uning atrofidagi hududlar AQSh qurolli kuchlari tomonidan amalga oshirilgan kuchli havo zarbalari ostida qoldi.

Guvohlarning so‘zlariga ko‘ra, Karakasning turli nuqtalarida kuchli portlash ovozlari eshitilgan, bu vaqtda shahar osmonida harbiy samolyotlar uchib yurgan. Shaharning katta qismi elektr ta’minotidan uzilgan.

Oradan ko‘p vaqt o‘tmay AQSh prezidenti Donald Tramp o‘zining Truth Social tarmog‘idagi sahifasida Venesuela yetakchisi Nikolas Maduro va uning rafiqasi Siliya Flores qo‘lga olingani hamda mamlakatdan olib chiqib ketilganini e’lon qildi.

Vashingtondagilar Maduroga qarshi «narkoterrorizm», kokain kontrabandasi va AQShga qarshi ishlatish maqsadida qurol saqlash kabi rasmiy ayblovlarni ilgari surdi.

Ayni vaqtda Maduro va rafiqasi Nyu Yorkka olib kelingan va tergov izolyatoriga joylashtirilgan. Ular dushanba kuniyoq sud qilinishi mumkin.

Quyida Amerika zarbalari va Nikolas Maduro hokimiyatdan ag‘darilgach, Venesuelada nimalar bo‘layotgani aks etgan fotosuratlar keltiriladi.