Eron Ukrainaga qarşi uruşni qöllab-quvvatlaş uçun Rossiyaga qariyb 3 mlrd dollarlik raketalar sotgan. Bu haqda Bloomberg agentligi 12 yanvar, duşanba kuni xavfsizlik sohasidagi ğarblik ekspertga tayanib xabar qildi. Uning bahosiga köra, 2021 yil oktyabridan — Rossiyaning Ukrainaga keng kölamli hujumi boşlanişidan oldin Moskva bilan tuzilgan şartnomalar hajmi taxminan 2,7 mlrd dollarni taşkil etgan.
Xaridlar tarkibiga Fath-360 turidagi qisqa masofali yuzlab ballistik raketalar, şuningdek, qisqa masofali yana qariyb 500 ta boşqa ballistik raketa va havo mudofaa tizimlari bilan boğliq taxminan 200 ta zenit raketa kirgan.
Moskva va Tehron yaqinlaşuvi 2022 yil fevralda Rossiyaning Ukrainaga qurolli hujumi fonida kuçaygan. Uruş Moskvaga qarşi keng kölamli sanksiyalarga sabab bölib, Sovuq uruş davridan beri Rossiya—Ğarb munosabatlaridagi eng jiddiy inqirozga aylangan. Bloomberg ta’kidlaşiça, Eron qurollarining yetkazib berilişi ikki davlat hamkorligini yanada mustahkamlagan.
Agentlik suhbatdoşiga köra, Eron Rossiyaga millionlab patronlar va artilleriya snaryadlari ham yetkazib bergan. Şu bilan birga, bu baholaş xaridlarning butun hajmini qamrab olmaydi, çunki qöşimça yetkazib berişlar kutilmoqda.
Boşqa jihatdan, Tehron Moskvaga Shahed-136 zarbali uçuvçisiz apparatlarini va Rossiyaga ularni “Geran-2” nomi bilan işlab çiqarişni yölga qöyiş imkonini bergan texnologiyalarni ham topşirgan. Bu 2023 yil boşida imzolangan 1,75 mlrd dollarlik şartnoma doirasida sodir bölgan.
Ğarblik manbaning bahosiga köra, umumiy hisobda Rossiya 2021 yil oxiridan buyon Eronning harbiy uskunalarini xarid qiliş uçun 4 mlrd dollardan ortiq mablağ sarflagan.
Manba ma’lumotlariga köra, Eronning Rossiya bilan yaqinlaşuvi 2010-yillardanoq — Ğarb bosimi va Eron yadroviy dasturi tufayli joriy qilingan sanksiyalar fonida boşlangan. 2025 yil yanvarda Tehron va Moskva strategik şeriklik töğrisidagi kelişuvni imzolagan, biroq unda özaro mudofaa böyiça qoidalar yöq.
Şu bilan birga, manbaga köra, Rossiya ötgan yili Eron hududiga berilgan Isroil va AQŞ zarbalari paytida Tehronga sezilarli yordam körsatmagan. Biroq Moskva va Tehron Eron orqali Hindistongaça bölgan savdo yölagini rivojlantiriş ustida işlamoqda va sanksiyalar ta’sirini kamaytiriş uçun moliya va bank sohasidagi hamkorlikni kengaytirişni muhokama qilyapti.
Bloomberg sörovlariga Rossiya Mudofaa vazirligi va Eron Taşqi işlar vazirligi javob bermagan.
