O‘zbekiston U23 terma jamoasi Osiyo Kubogi chorakfinalida penaltilar seriyasida mag‘lub bo‘ldi

Saudiya Arabistonida 23 yoshgacha bo‘lgan futbolchilardan iborat terma jamoalar o‘rtasida Osiyo Kubogi chorakfinalida O‘zbekiston U23 terma jamoasi Xitoy yoshlar terma jamoasi bilan kuch sinashdi.

O‘yinning asosiy vaqti va qo‘shimcha taymlarda hisob ochilmadi.

Penaltilar seriyasida 2:4 hisobida Xitoy yoshlari g‘alaba qozondi.

U23 Osiyo Kubogi bu yilgi mavsumining boshqalaridan farqli jihati shundaki, unda Olimpiada yo‘llanmasi o‘ynalmaydi. Shu sababli, ko‘plab jamoalar asosiy tarkib bilan ishtirok etmayapti.

U23 Osiyo Kubogi 2013 yildan beri o‘tkaziladi. Unda Yaponiya yoshlari eng ko‘p – 2 marta g‘olib chiqqan, shu jumladan so‘nggi turnirda ham. Shuningdek, Iroq, O‘zbekiston, Janubiy Koreya va Saudiya Arabistoni hisobida bittadan g‘alaba bor.