Germaniyada yakşanba, 18 yanvar kuni ham AQŞ prezidenti Donald Trampning Grenlandiya böyiça pozitsiya sabab Germaniya va yana yetti Yevropa davlatiga 10 foizlik boj joriy etiş qarorini tanqid qilişda davom etildi.
GFR kansleri Fridrix Mers “bojxona tahdidlari transatlantik munosabatlarni yemirişi va keskinlik kuçayişi xavfini tuğdirişi”ga işonç bildirdi. “Biz Daniya va Grenlandiya aholisini qat’iy va yakdil qöllab-quvvatlaymiz. NATO a’zosi sifatida — Arktikada xavfsizlikni mustahkamlaşga sodiqmiz”, — deb yozdi Germaniya hukumati rahbari X ijtimoiy tarmoğida.
Hokimiyatdagi Xristian-demokratik ittifoq (XDI) partiyasining taşqi siyosat böyiça eksperti Roderix Kizevetter Yevropa Oq uyning aytganiga “ergaşib ketmasligi” kerak, deb hisoblaydi.
“Biz Tramp tomonidan bölayotgan şantaj urinişlariga berilmasligimiz kerak”, — dedi Kizevetter Der Münchner Merkur gazetasiga bergan intervyusida. Uning qöşimça qilişiça, Donald Tramp “endi işonçli ittifoqçi emas, çunki bojlarni joriy etiş NATO tamoyillariga ham zid”. Kizevetter ta’kidlaşiça, AQŞ prezidenti transatlantik hamkorlikni “töliq şubha ostiga qöyapti”. U Germaniyani Daniya tomonida “aniq turiş”ga va bir vaqtning özida harbiy jihatdan kuçayiş hamda AQŞdan mustaqilroq bölişga çaqirdi.
XDIning taşqi siyosat böyiça eksperti Peter Bayyer esa “Daniya va Yevroittifoqning Tramp oldida tiz çökişiga guvoh bölişni istamasligi”ni aytdi. Uning sözlariga köra, Tramp özining odatiy strategiyasiga amal qilmoqda va “bizni muzokara stoliga ötqaziş uçun maksimal bosim ötkazmoqçi”. Bayyer 18 yanvar oqşomida Grenlandiyaga borib, orol atrofidagi vaziyatni şaxsan körib çiqiş niyatida ekanini bildirdi.
Germaniya Sotsial-demokratik partiyasi (GSDP) va “Ittifoq-90”/“yaşillar” Yevropa javob çoralarini körişi kerakligini bildirdi. “Ehtimol, biz raqamli soliqni tayyorlaşimiz kerakdir — bu keksa janob tuşunadigan yagona til”, — dedi Tramp haqida gapirar ekan, GSDPning taşqi siyosat böyiça eksperti Ralf Ştegner Redaktionsnetzwerk Deutschland (RND) mediaguruhi naşrlariga.
Bundestagdagi “yaşillar” fraksiyasi raisi Katarina Dryoge javob bojlarini joriy etişni qat’iy talab qildi. Uning ta’kidlaşiça, Trampga “biz uning tahdidlariga böysuniş niyatida emasligimizni va öz manfaatlarimiz hamda ittifoqçilarimizni himoya qilişimizni” körsatiş kerak.
