Saida Mirziyoyeva 2026 yilgi «Insoniy birodarlik» mukofoti sovrindorlarini tabrikladi

Prezident administratsiyasi rahbari Saida Mirziyoyeva Shayx Zoyid nomidagi «Insoniy birodarlik» xalqaro mukofoti hakamlar hay’atida ishtirok etish va 2026 yilgi sovrindorlarni tabriklash o‘zi uchun katta sharaf ekanini bildirdi. U tinchlik hamda qizlarning ta’lim olish huquqi jamiyat barqarorligi va taraqqiyoti bilan uzviy bog‘liq qadriyatlar ekanini ta’kidladi.

Saida Mirziyoyevaning qayd etishicha, Ozarboyjon Respublikasi va Armaniston Respublikasi o‘rtasida erishilgan tinchlik kelishuvi hatto uzoq yillar davom etgan murakkab nizolarni ham hal etish mumkinligini yaqqol namoyon etdi.

Shuningdek, u 2026 yilgi mukofot sovrindorlaridan Zarqa Yaftalini alohida tilga olib, uning qizlarning ta’lim olish huquqini himoya qilish borasidagi ko‘p yillik faoliyati izchil va qat’iyatli sa’y-harakatlar orqali insonlar taqdiri va butun hamjamiyatlar kelajagini o‘zgartirish mumkinligini ko‘rsatishini bildirdi.

Mirziyoyeva fikricha, tinchlik ham, qizlarning ta’limga bo‘lgan huquqlari ham jamiyatlarning barqarorligi va taraqqiyoti bilan uzviy bog‘liq bo‘lgan muhim qadriyatlar hisoblanadi.