Germaniyada yonilği narxlari 10 mart, seşanba kuni ham ösişda davom etdi. Bundan bir kun oldin eng arzon E10 benzinining örtaça kunlik narxi litri uçun 2 yevrodan oşib ketgani ADAC avtomobil klubi ma’lumotlarida qayd etildi. Bu 2022 yil may oyidan beri eng yuqori körsatkiçdir. Bir sutka içida E10 benzini 4,4 sentga qimmatlab, litri 2,028 yevroga yetdi — bu uruş boşlanişidan oldingi narxdan 25 sentga qimmat. Dizel yonilğisi esa 5,4 sentga qimmatlab, litri 2,171 yevroga çiqdi — bu ham uruşgaça bölgan narxdan 42,5 sentga yuqori.
10 mart kuni ertalab vaziyat yanada yomonlaşdi: soat 7:15 holatiga köra, mamlakat böyiça E10 benzinining örtaça narxi litri uçun 2,095 yevroni, dizelniki esa 2,237 yevroni taşkil qildi. Har ikki körsatkiç ham 9 martning şu vaqtiga nisbatan ança yuqori bölgan. Hozirgi yonilği narxlari 2022 yil fevralda Rossiyaning Ukrainaga bostirib kirişidan keyingi dastlabki oylardagi darajaga yaqinlaşgan, ammo öşa davrdagi rekord körsatkiçlarga hali yetganiça yöq: dizel 2022 yil 10 mart kuni tarixiy maksimum — 2,321 yevro, E10 benzini esa 2022 yil 14 mart kuni 2,203 yevro darajasiga çiqqan edi. Bu mos ravişda duşanba kungi narxdan 15 va 17,4 sentga yuqori.
Odatda neft narxi yonilği narxlarining özgarişiga ta’sir etuvçi asosiy omil hisoblanadi. 9 mart kuni u vaqtinça bir barrel uçun 100 dollardan oşib ketdi, ammo keyin yana sezilarli ravişda şu darajadan pastladi. Şunga qaramay, ADAC vakili “raketa va par” deb ataluvçi effekt xavfi borligidan ogohlantirdi: ya’ni xarajatlar oşişi darhol iste’molçilar zimmasiga yuklanadi, ammo pasayiş ança sekin aks etadi.
Yonilği quyiş şoxobçalari egalari birlaşmasi (TIV) vakili Xerbert Rabl Rheinische Post gazetasiga neft konsernlari yuqori neft narxlarini darhol iste’molçilarga yuklaşini aytdi.
“Men neft konsernlari yonilği narxlarini yana ham kuçliroq oşirişidan xavotirdaman, — dedi u. — Neft gigantlari Germaniya bozoridan nimalar mumkinligini sinab köriş uçun foydalanayotganiga şubha bor: oxir-oqibat litri uçun 2,50 yevro va hatto undan ham yuqori narxlar bölişi mumkin”.
Rablning sözlariga köra, ötgan haftada Yevropaning heç bir mamlakatida yonilği narxlari Germaniyadagidek kuçli oşmagan. TIV Avstriya namunasidagi tartibga soliş tarafdori bölib, unga köra konsernlarga narxni kuniga faqat bir marta oşirişga, şundan keyin esa faqat pasaytirişga ruxsat beriladi. “Avstriyada hozir yonilği narxi atigi 1,70 yevro”, — dedi Rabl.
Germaniya iqtisodiyot vaziri Katarina Rayxe ötgan hafta AQŞ va Isroilning Eronga qarşi uruşi boşlanganidan keyin Germaniyadagi yonilği quyiş şoxobçalarida kuzatilgan keskin narx oşişlarini kartellarga qarşi federal idora tomonidan ehtimoliy qonunbuzarliklar nuqtai nazaridan tekşiriş boşlanişini e’lon qildi.
