Qoʻshimcha funksionallar
-
Tungi ko‘rinish
Yil boshidan buyon quyosh va shamol elektr stansiyalari tomonidan 2 mlrd kVt soatdan ortiq elektr energiyasi ishlab chiqarildi
O‘zbekistonda umumiy quvvati 5 582 megavatt bo‘lgan 15 ta quyosh fotoelektr stansiyasi va 5 ta shamol elektr stansiyasi «yashil» energiya ishlab chiqarmoqda. 2026 yil boshidan buyon quyosh fotoelektr stansiyalari tomonidan 959,2 mln kVt⋅soat, shamol elektr stansiyalari tomonidan esa 1 mlrd 56,2 mln kVt⋅soat elektr energiyasi ishlab chiqarildi.
Foto: Shutterstock
20 mart kuni O‘zbekistondagi quyosh va shamol elektr stansiyalari tomonidan 2026 yil boshidan beri ishlab chiqarilgan elektr energiyasi hajmi 2 mlrd kVt⋅soatga yetdi.
Yil boshidan buyon quyosh fotoelektr stansiyalari tomonidan 959,2 mln kVt⋅soat, shamol elektr stansiyalari tomonidan esa 1 mlrd 56,2 mln kVt⋅soat, jami 2 mlrd 15,4 mln kVt⋅soat elektr energiyasi ishlab chiqarildi.
13 fevral kuni quyosh va shamol elektr stansiyalari tomonidan 2026 yil boshidan beri ishlab chiqarilgan elektr energiyasi hajmi 1 mlrd kVt⋅soatni tashkil qilgan edi.
2024 yili 9 ta quyosh va 1 ta shamol elektr stansiyasi tomonidan ishlab chiqarilgan jami elektr energiyasi hajmi 4 mlrd 860 mln kVt·soatni tashkil qilgan bo‘lsa, 2025 yilda bu ko‘rsatkich 10,5 mlrd kVt⋅soatga yetdi.
Bugungi kunda O‘zbekistonda umumiy quvvati 5 582 megavatt bo‘lgan 15 ta quyosh fotoelektr stansiyasi va 5 ta shamol elektr stansiyasi «yashil» energiya ishlab chiqarmoqda.
Joriy yil boshidan buyon O‘zbekistondagi barcha gidroelektr stansiyalar, quyosh va shamol elektr stansiyalari tomonidan 3 mlrd 160 mln kVt·soat elektr energiyasi ishlab chiqarildi.
