Italiya va Turkiya JÇga yaqinlaşdi. Kun öyinlari

Bosniya esa Uels maydonidagi öyinda kambek amalga oşirib, penaltilar seriyasida final yöllanmasini qölga kiritdi – 1:1 (4:2). Uelsliklar butun ikkinçi bölim davomida hisobda oldinda borişdi: Deniel Jyeymsning ikkinçi bölim boşida kutilmaganda 25 metr masofadan yöllagan zarbasi mezbonlarga ğalabani kafolatlaşi mumkin edi – bu vaziyatda kiper Nikola Vasil töpni yaqin burçagidan ötkazib yubordi. Bosniyaliklar deyarli vaziyatlar yaratişmadi, ammo sönggi daqiqalarda hisobni tenglaştirişga erişişdi – 40 yoş arafasida ham qarilikni tan olmayotgan Jyeko öz uslubida boş bilan gol urib, jamoalarni qöşimça bölimlarga olib ötdi.

Jyeko 91-daqiqada almaştirildi – bosniyaliklar usiz ham qöşimça bölimlarda durangni saqlab qolişni va penaltilar seriyasida ğalaba qozonişni uddalaşdi. Uels futbolçilari qatorasiga ikki bor xato qilişdi: avvaliga Brennan Jonsonning zarbasidan keyin töp tösin yuqorisidan ötib ketdi, keyin esa Vasil Neko Uilyams yöllagan zarba yönalişini topa oldi. Bosniyada esa birinçi zarbani Ermedin Demiroviç ura olmagandi, lekin undan keyin nuqtaga yaqinlaşgan jamoadoşlari xatosiz harakat qilişdi.

Final: Italiya va Bosniya, Zenitse

Turkiyada kamtarona, Kosovoda – megayorqin ğalaba

Turkiya – Ruminiya 1:0
Gollar: Ferdi Kadiöğli, 53 (1:0)
Turkiya: Ugurjan Çaqir, Oqoydin, Abdulkarim Bardakçi, Ferdi Kadiöğli, Mert Muldur, Hoqon Çalxonöğli (Özan Qoboq, 90), Ismail Yuksek, Arda Guler (Irfan Qahvaçi, 90), Kenan Yildiz, Bariş Yilmaz (Örxun Kökçi, 78), Karim Oqturköğli
Ruminiya: Radu, Dreguşin, Burke, Banku, Ratsyu, Marin (Tenase, 66), Dragomir, Xaji (Stançu, 71), Mixeyle (Bayaram, 88), Man, Birlidja (Mikulesku, 88)
Ogohlantirişlar: Irfan Qahvaçi, 90. Karim Oqturköğli, 90 – Dragomir, 18

Slovakiya – Kosovo 3:4
Gollar: Valent, 6 (1:0). Xöja, 21 (1:1). Garaslin, 45 (2:1). Asllani, 47 (2:2). Musliya, 60 (2:3). Xayrizi, 72 (2:4). Strelets, 90+4 (3:4)
Slovakiya: Dubravka, Vavro, Obert, Valent, Duda (Beneş, 83), Lobotka, Gansko, Bero (Mraz, 90), Garaslin (Tupta, 83), Sauer (Suslov, 45), Strelets
Kosovo: Muriç, Dellova, Xayrizi, Haydari, Gallapeni, Voyvoda, Rejbeçay, Musliya (Xadirgonay, 90), Xöja (Emerlahu, 90), Asllani (Zabergya, 73), Muriçi (Rrahmani, 90)
Ogohlantirişlar: Vavro, 89. Valent, 90 – Xayrizi, 14. Dellova, 25. Xöja, 51

Turkiya Ruminiya tösiğidan ötdi – 1:0. Mezbonlar faqat ikkinçi bölimda pozitsion hujum orqali raqib mudofaasini buzib öta olişdi: 53-daqiqada Arda Guler töpni jarima maydoniga yetkazib berdi, qanot himoyaçisi Ferdi Kadiöğli töpni öziga böysundirdi va uni ruminlar darvozabonining yonidan ötkaza oldi.

Ruminlar standart vaziyatlar va qarşi hujumlar orqali javob qaytarişga urindi. Ammo Turkiya haqli ravişda ğalabaga erişdi – mehmonlarda hisob 0:1 holatida yaqqol vaziyatlar yuzaga kelmadi.

Kosovo esa Slovakiyadan kuçliroq çiqdi – 4:3. Bu kunning eng yorqin öyini böldi. Tomonlar öyinni quvlaşmaçoqqa aylantirişdi. Slovaklar safida 6-daqiqadayoq Martin Valent gol urgandi. Kosovoliklar safida Veldin Xöja javob qaytardi. Va slovaklar baribir tanaffusga hisobda oldinda borgan holda yöl olişdi: Lukaş Garaslin jarima zarbasidan ikkinçi golni urdi.

Tanaffusdan keyin esa kosovoliklar mezbonlar darvozasini uç bor işğol etişdi. Florent Musliya ham jarima zarbasini golga aylantirdi. Öyin taqdiri Fisnik Asslani va Kreşnik Xayrizining gollaridan keyin hal böldi. 94-daqiqada David Strelets tomonidan urilgan gol slovaklarni qutqarib qololmadi.

Final: Kosovo – Tursiya, Priştine

Yokereş şvedlarni, Levandovski Polşani finalga olib çiqdi

Ukraina – Şvetsiya 1:3
Gollar: Yokereş, 6 (0:1). Yokereş, 51 (0:2). Yokereş, 73 - penalti (0:3). Ponomarenko, 90 (1:3)
Ukraina: Trubin, Bondar, Zabarniy, Mikolenko, Timçik, Kalyujniy (Oçeretko, 60), Sudakov (Ponomarenko, 77), Yarmolyuk (Şaparenko, 85), Zubkov (Gutsulyak, 60), Tsigankov, Vanat (Yaremçuk, 60)
Şvetsiya: Nordfeldt, Xin (Starfelt, 37), Lindelyof, Lagerbilke, Çelstrem, Ayyari (Svensson, 77), Gudmundsson (Bergvall, 77), Yuhansson, Nyugren, Elanga (Svanberg, 90+4), Yokereş
Ogohlantirişlar: Timçik, 56. Trubin, 71 – Nordfeldt, 75

Polşa – Albaniya 2:1
Gollar: Xöja, 42 (0:1). Levandovski, 63 (1:1). Zelinski, 73 (2:1)
Polşa: Grabara, Bednarek, Kivyor, Kendzera (Sviderski, 62), Zelinski (Moder, 82), Şimanski, Skuras, Keş, Kaminski (Pirka, 90+2), Rozga (Petuşevski, 46), Levandovski (Sliş, 90+2)
Albaniya: Strakoşa, Ayyeti (Ismayli, 18), Jimsiti, Mitay, Hyusay, Aslani, Şehu, Lyaçi (Muçi, 82), Xöja (Pilios, 68), Uzuni, Bayrami (Broyya, 68)
Ogohlantirişlar: Levandovski, 87. Sviderski, 90 – Mitay, 34. Hyusay, 79. Aslani, 88

Şvetsiya Ukrainaga qarşi öyinda jiddiy muammoga duç kelmadi – 3:1. Nominal mehmonlar öyinning atigi 32 foiz qismida töpga egalik qilganiga qaramay, Viktor Yokereşning het-trigi evaziga finalga çiqdi.

Şvedlar 6-daqiqadayoq hisobni oçişdi: Yokereş Benyamin Nyugrenning çap qanotdan bergan uzatmasini darvoza töriga töğrilab yubordi. «Arsenal» hujumçisi şu kuni vaziyatlardan foydalaniş böyiça ideal körsatkiç qayd etdi: ikkinçi bölimda Yokereş darvozabon tomonidan berilgan uzatmadan foydalanib ikkinçi golni urdi, keyinroq penaltini aniq ijro etib, hisobni yirik körinişga keltirdi. Uçta zarba va uçta gol.

Ukrainlar töpga egalik qilişdi, ammo çinakamiga xavfli vaziyatlarga ega bölişmadi. Matvey Ponomarenkoning 90-daqiqada urgan goli esa amalda heç narsaga ta’sir körsatmadi. Ukrainlar qatorasiga beşinçi jahon çempionatini ötkazib yuboradi, jamoa mundialda birinçi va oxirgi bor 2006 yilda qatnaşgan va çorakfinalgaça yetib borgandi.

Yokereş saralaşning guruh bosqiçini juda kuçsiz ötkazib, birorta gol urolmagandi, jamoasi esa atigi ikki oçko bilan oxirgi örinda qolib ketgandi. Ammo Millatlar ligasi turniri reytingi evaziga ötiş bosqiçiga yöl olgan skandinavlarda endi yaxşi imkoniyat hosil böldi.

Polşa Albaniyaga qarşi öyinda kambek amalga oşirdi – 2:1. Öyinda muxlislar ikki xil bölimga guvoh bölişdi. Birinçisida polyaklarning işi yurişmadi, qolaversa, jamoa yetakçilaridan biri Yan Bednarek golga sababçi böldi: u töpni qabul qilişda sustkaşlikka yöl qöydi va Arber Xöja bundan foydalanib, darvozabonni ham aldab ötdi va böş darvozani işğol etdi.

Polyaklar ikkinçi bölimda öziga kelişdi. 63-daqiqada Robert Levandovski boşda yöllagan zarbasi bilan muvozanatni tikladi, ön daqiqa ötib Petr Zelinski öz uslubida jarima maydoni taşqarisidan kuçli zarba berdi – 2:1. Polşa qatorasiga beşinçi öyinda yutqazmayapti va finalga çiqmoqda.

Final: Şvetsiya – Polşa, Stokholm. 

Daniyada oson ğalaba, çexlar ham öyin oxirida qutulib qoldi

Daniya – Şimoliy Makedoniya 4:0
Gollar: Damsgor, 49 (1:0). Isaksen, 58 (2:0). Isaksen, 59 (3:0). Norgar, 75 (4:0)
Daniya: Hermansen, Nelsson, Norgar (Provstgor, 86), Mele, Ba (Hoysberg, 81), Yulmann, Heyberg, Froholdt, Damsgor (Narti, 86), Isaksen (Eriksen, 73), Hoylund (Heg, 81)
Şimoliy Makedoniya: Dimitriyevski, Zaykov, Musliu, Errera, Stoyçevski, Elmas, Atanasov (Alimi, 64), Bardi, Çurlinov (Doriyev, 64), Kamili (Miovski, 64), Rastoder (Musovski, 77)
Ogohlantirişlar: Elmas, 72. Bardi, 86

Çexiya – Irlandiya 2:2
Gollar: Perrott, 19 – penalti (0:1). Kovarj, 23 – avtogol (0:2). Şik, 27 – penalti (1:2). Kreyçi, 86 (2:2)
Penaltilar seriyasi: Perrott – (0:1). Kreyçi – (1:1). Ida – (1:2). Souçek – (2:2). Breydi – (2:3). Xitil – (2:3) (darvozabon). Azaz – (2:3)(darvozabon). Şik – (3:3). Braun – (3:3) (darvozabon). Kliment – (4:3)
Çexiya: Kovarj, Granaç, Kreyçi, Xoleş (Xaloupek, 46), Darida (Souçek, 46), Provod, Yurasek (Karabets, 82), Tsoufal (Sadilek, 82), Şuls (Kliment, 103), Şik, Xori (Xitil, 73)
Irlandiya: Kelleher, Kollinz, ÖŞi, ÖBrayyen, Molumbi (Smodiç, 115, Veyl, 120+1), Teylor (Breydi, 68), Menning (Braun, 68), Koulman (Dann, 96), Finn Azaz, Ogbene (Ida, 96), Perrott
Ogohlantirişlar: Granaç, 90 – Teylor, 21. Menning, 26

Daniya Şimoliy Makedoniyani taslim qilişi uçun 10 daqiqa yetarli böldi. Mezbonlar ikkinçi bölimni şiddatli bosim bilan boşlaşdi va 49-daqiqada Mikkel Damsgor hisobni oçdi. 58-daqiqada aynan uning uzatmasidan Gustavo Isaksen ikkinçi golni urdi, 59-daqiqada esa «Latsio» hujumçisi dublni rasmiylaştirdi. Biroz ötib Kristian Norgar yakuniy hisobni örnatdi – 4:0.

Daniyaliklar uçun bu sönggi uç öyindagi ilk ğalaba böldi. Jamoa guruh bosqiçining sönggi turlarida qoqilgandi: avvaliga Belarus bilan kutilmaganda durang qayd etilgan (2:2), sönggi turda esa hal qiluvçi öyinda Şotlandiyaga mağlub bölgandi (2:4).

Çexiya esa Irlandiya bilan öyinda buriliş yasadi va penaltilar seriyasida ğalabaga erişdi – 2:2 (4:3). Holbuki jamoa birinçi bölim örtalarida 0:2 hisobida ortda borayotgandi.

Jamoalar birinçi bölimda yetti daqiqa içida uçta gol urişdi. 19-daqiqada Troy Perrott özi işlagan penaltini aniq ijro etdi, 24-daqiqada avvaliga çexlar himoyaçisi Vladimir Tsoufal orqali töp tösinga bordi, keyin esa darvozabon Matey Kovarjga tekkan holda darvoza töriga kirib ketdi. 

Çexlar tezda hisobni qisqartirişdi – Patrik Şik ham penaltini benuqson ijro etdi, sönggi daqiqalarda esa öyin overtaymlarga olib ötildi: Ladislav Kreyçi burçak zarbasidan keyin gol urdi. Bu gol ham Edin Jyekoniki kabi 86-daqiqada urildi va bu öyinda ham qöşimça bölimlarda hisob özgarmasdan, ğolib penaltilar seriyasi orqali aniqlandi. Seriyada esa Kovarj Finn Azaz va Alan Braunning markazga yöllagan zarbalarini qaytardi.

Final: Çexiya – Daniya, Praga.

Ötiş bosqiçi finalidagi juftliklar:

Şvetsiya — Polşa
Çexiya — Daniya
Kosovo — Turkiya
Bosniya — Italiya

31 mart kuni bölib ötadigan bu öyinlardan keyin ğoliblar töğridan töğri jahon çempionatiga yöl olişadi.