Tayyor ta’mir, avtomobilsiz hovli va 10 yilgacha bo‘lib to‘lash: TOWERUP va TAQSIM’DAN maxsus taklif asosida qulay uylar

O‘zbekiston Respublikasi Prezidentining 2021 yildagi PF-32-sonli Farmoni asosida Toshkentning Yangi Qumariq mahallasida (mo‘ljal: mahalliy aeroport) barpo etilayotgan “Yangi O‘zbekiston” turar joy majmuasida qurilish ishlari yakuniy bosqichga kirgan. Loyiha doirasida sakkizta blokni joriy yilning ikkinchi choragi oxirida foydalanishga topshirish rejalashtirilgan. Bu esa mingdan ortiq xonadon egalariga yoz fasligacha yangi uyga ko‘chib kirish imkonini beradi. Kun.uz muxbiri qurilish maydonchasiga borib, kompaniya tomonidan topshirilgan uylar, yashash uchun hozirlangan sharoitlar hamda infratuzilma bilan tanishdi.

14 gektarlik loyiha: 4 gektar uy-joy, qolgan hudud – infratuzilma

Loyiha umumiy hisobda 14 gektar maydonni qamrab oladi. Shundan 4 gektari ko‘p qavatli uy-joylarga ajratilgan bo‘lsa, qolgan hududlar bolalar maydonchalari, yashil zonalar, maktab, bog‘cha, poliklinika va boshqa infratuzilma uchun mo‘ljallangan.

Quruvchi kompaniya vakillarining aytishicha, hudud avtomobilsiz ichki hovli konsepsiyasi asosida rejalashtirilgan: yerosti avtoturargohi ikki qavatli bo‘lib, uzunligi 170 metr, eni qariyb 30 metrni tashkil etadi.

“Ichki hovlilar avtomobillardan xoli bo‘ladi. Bu, avvalo, bolalar xavfsizligi va ekologik muhit uchun muhim. Avtomobillar ikki qavatli yerosti avtoturargohiga joylashtiriladi. Shu tariqa hovlida shovqin va harakat kamroq bo‘ladi, ota-onalar farzandlarini bemalol o‘ynashga qo‘yishi mumkin. Maqsadimiz faqat kvadrat metr sotishdan iborat emas, aholi xonadon bilan birga yashash madaniyati, qulay infratuzilma va xavfsiz muhitni ham xarid qilishi kerak”, – deydi “TowerUp” kompaniyasi bosh direktorining birinchi o‘rinbosari Jasurjon Sagatov.

Qurilish sifati: kompaniya zavodi, M350 markali beton

Kompaniya bosh muhandisi Anvar Qayumovning ta’kidlashicha, obekt qurilishi hozirda 95 foizga bajarilgan. Fasad ishlari deyarli yakunlangan, derazalar to‘liq o‘rnatilgan, muhandislik tarmoqlari bosqichma-bosqich ishga tushirilmoqda.

Asosiy konstruksiyalarda kompaniyaning o‘z beton zavodida ishlab chiqarilgan M350 markali beton qo‘llangan. Fasad qismida ventilyatsiyalangan tizim ishlatilgan, keng formatli keramik plitkalar esa maxsus buyurtma asosida olib kelingan. Jumladan,

§ issiqlik samaradorligiga alohida e’tibor qaratilgan:

§ tashqi issiqlik izolyatsiyasi mavjud;

§ yuqori sifatli plastik romli derazalar o‘rnatilgan;

§ har bir xonada radiator, tabiiy yorug‘lik va shamollatish imkoniyati bor.

Shuningdek, binolarda tutunni chiqarish tizimi, yong‘in signalizatsiyasi, antipanik tizimli eshiklar o‘rnatilgan. Liftlar yuk-yo‘lovchi va yo‘lovchi turiga ajratilgan bo‘lib, turli yuk ko‘tarish quvvatiga ega.

“Xonadonlar ko‘chib kirishga tayyor holatda”

Majmuaning asosiy konsepsiyasi xonadonlarni to‘liq tayyor ta’mir bilan topshirishdir. Ya’ni, mijoz qo‘shimcha qurilish brigadasi izlab yurmaydi, devor buzmaydi, sim tortmaydi. Uch xonali, taxminan 70 kvadrat metrlik xonadonlarda ikki sanuzel, panorama vitrajli oshxona, individual isitish qozoni, metall kirish eshigi hamda ichki hovliga qaragan balkon mavjud. Rejalashtirishda kundalik qulaylik va oilaviy ehtiyojlar inobatga olingani aytiladi.

“Xonadonni topshirayotgan paytimizda unda yashash uchun zarur hisoblangan barcha asosiy elementlar o‘rnatilgan bo‘ladi. Isitish tizimi, deraza va eshiklar, sanitariya jihozlari – barchasi loyihaga muvofiq, bir xil standart asosida bajariladi. Bu keyinchalik sifatsiz ta’mir yoki noto‘g‘ri o‘rnatilgan kommunikatsiyalar sabab yuzaga keladigan muammolarni kamaytiradi”, – deydi kompaniya bosh muhandisi Anvar Qayumov.

Mutaxassislar fikricha, ayniqsa hozirgi bozor sharoitida qurilish materiallari va ustalar narxi oshib borayotgan bir paytda, tayyor ta’mirli xonadon modeli ko‘plab xaridorlar uchun moliyaviy jihatdan aniqroq va hisob-kitob qilish osonroq variant sifatida ko‘rilmoqda. Bu esa qo‘shimcha xarajatlar va vaqt yo‘qotishdan qochishni istagan oilalar uchun muhim omilga aylanmoqda.

1000 dan ortiq xonadon: to‘lov mexanizmi qanday?

Ikkinchi bosqichda mingdan ortiq tayyor ta’mirli xonadon sotuvga chiqarilgan. Kompaniya tomonidan taklif etilayotgan mexanizm bank ishtirokisiz, 5 yildan 10 yilgacha bo‘lib to‘lash tizimi.

Dastur shartlariga ko‘ra:

§ boshlang‘ich to‘lov 25 foizdan;

§ muddat 60 oydan 120 oygacha;

§ foiz va yashirin komissiyalar mavjud emas;

§ kvartira narxi shartnoma imzolanganda fiksatsiya qilinadi.

Rasmiylashtirish jarayoni maxsus platforma orqali amalga oshiriladi va mulk huquqi belgilangan tartibda ro‘yxatdan o‘tkaziladi. Tizim o‘zini o‘zi band qilgan yoki rasmiy daromadi bo‘lmagan fuqarolar uchun ham ochiq ekani ta’kidlanmoqda.

Xonadonlardagi sharoitlar va qurilish sifati haqidagi to‘liq ma’lumotlar bilan Kun.uz’ning YouTube’dagi sahifasida tanishishingiz mumkin.

Telefon:+998 55 520 98 98

Sayt

Reklama huquqi asosida