Mavrid loyihasi qanchalik tayyor? Iskander Buildings mijozlarga qurilish maydonini ko‘rsatdi

Tadbirda kompaniyaning amaldagi mijozlari, potensial xaridorlar hamda OAV vakillari ishtirok etdi.

12 aprel kuni Iskander Buildings kompaniyasi Toshkent shahrida qad rostlayotgan Mavrid turar joy majmuasi qurilish maydonida ochiq eshiklar kunini tashkil etdi.

Uchrashuv davomida mehmonlarga loyiha doirasida olib borilayotgan ish jarayoni, qo‘llanilayotgan materiallar va muhandislik yechimlari haqida ma’lumot berildi. Ishtirokchilar obektni bevosita ko‘zdan kechirib, qurilishning turli bosqichlari bilan tanishish hamda mutaxassislardan savollarga javob olish imkoniyatiga ega bo‘ldi.

Kompaniya ma’lumotiga ko‘ra, Mavrid turar joy majmuasida qurilish ishlari yakuniy bosqichga yaqinlashgan. Xususan, A bloki deyarli tugallangan bo‘lsa, B va C bloklarida kirish yo‘laklari hamda fasad ishlari olib borilmoqda.

Tadbir ishtirokchilari majmuaning fasad yechimlari, kirish guruhlari, lift tizimlari hamda yerosti avtoturargohi bilan ham tanishdi. Kompaniya vakillari qurilishda qo‘llanilayotgan materiallar va texnologiyalarning sifat va ishonchlilik masalalariga alohida e’tibor qaratilayotganini ta’kidladi.

Ochiq eshiklar kuni doirasida tadbir qatnashchilari uchun avtoturargoh joylari bo‘yicha maxsus takliflar ham taqdim etildi.

Ma’lumot uchun, Iskander Buildings kompaniyasi 2019 yilda Navoiy viloyatida tashkil etilgan. Kompaniya avval Zarafshon shahrida Megapolis va Premium turar joy loyihalarini amalga oshirgan. Mavrid majmuasi esa tashkilotning Toshkent shahrida barpo etayotgan loyihalaridan biri hisoblanadi.

Murojaat uchun: +998 78 777-00-11

👉 Bot orqali ariza qoldiring

Instagram | Telegram

Reklama huquqi asosida.