BBC logotipi bilan Zelenskiyga oid soxta video tarqatildi

24 aprel, juma kuni France 24 va Euronews ushbu material bo‘yicha o‘z tekshiruvlarini e’lon qildi. Ularning ma’lumotiga ko‘ra, yolg‘on xabarni tarqatgan akkauntlar Zelenskiy kartinani mafiyadan olganini da’vo qilgan. Bir necha soat ichida rolik faqat X ijtimoiy tarmog‘idagi bitta profilda 400 ming martadan ortiq ko‘rilgan.

Aslida esa Volodimir Zelenskiyning devorida ukrainalik rassom Andrey Chebotaruning asarlari osilgan.

France 24 xabariga ko‘ra, mashhur OAV mahsuloti sifatida ko‘rsatilgan soxta materiallarni tarqatish — Rossiya GRU bilan bog‘lanadigan “Shtorm-1516” dezinformatsiya tarmog‘ining klassik usullaridan biri hisoblanadi. Bu haqda mazkur tarmoqni kuzatib boruvchi Gnida Project France 24ʼga ma’lum qilgan.
 

France 24 yozishicha, so‘nggi uch yil davomida faoliyat yuritib kelayotgan ushbu tarmoq Fransiya va G‘arb davlatlariga qarshi qaratilgan ko‘plab dezinformatsiya operatsiyalari ortida turgani taxmin qilinadi. Bu haqda bir nechta hisobotlarda, jumladan, xorijiy aralashuvga qarshi kurashish bilan shug‘ullanuvchi Fransiya davlat organi — Viginum hisobotida qayd etilgan.

Bundan tashqari, “Shtorm-1516” tarmog‘i AQSh Moliya vazirligi tomonidan ham Rossiya GRU va Moskvadagi “Geosiyosiy ekspertiza markazi” bilan ochiqchasiga bog‘langan.

Euronews esa mazkur publikatsiyani Kremlga yaqin dezinformatsiya tarmog‘i — “Matryoshka” bilan bog‘lagan.