14:39 / 26.05.2015
2914

Rim papasi 1990 yildan buyon televizor ko‘rmasligini ma'lum qildi

Rim papasi Frantsisk Birinchi 25 yildan buyon televizor ko‘rmagani ma'lum qilindi. Bu haqda La Voz Del Pueblo nashri xabar yozgan.
Pontifikning aytishicha, u internetdan ham foylanmaydi va bu vositalarni "o‘zi uchun emas", deb hisoblaydi.

Savollarga javob berish asnosida u o‘zining o‘tmishidagi sog‘inib eslaydigan narsalarni ham eslab, ko‘p bo‘sh vaqt hamda pitssani alohida sanagan.
U ayni vaqtda ham xohlasa, pitssaga buyurtma qilishi mumkinligini, lekin bu avvalgidek zavq bermasligini ta'kidlagan.

Bundan tashqari Rim papasi faqat bitta gazeta (La Repubblica)ni mutolaa qilishini, har kuni bu ish uchun 10 daqiqa vaqt ajratishini ma'lum qilgan.

Shuningdek, uning qiziqishlari doirasida futbol ham bor bo‘lib, papa "San Lorentso" jamoasining ishqibozi hisoblanadi.

Top