O‘zbekiston ko‘zi ojizlar jamiyati markaziy boshqarmasining rasmiy vakili Chustdagi ko‘z nogironlari ishlaydigan tashkilot xodimlaridan 4500 dollar pora olgan. Bu haqda “Huquq” gazetasi xabar bermoqda.
Aniqlanishicha, amaldor “Paxtasanoat” uyushmasidan Chust o‘quv-ishlab chiqarish korxonasiga 150 tonna paxta linti va 20 tonna tola olib ketish uchun rozilik xatini imzolash uchun pora talab qilgan.
Shu kabi “xizmat” uchun u Farg‘ona ojizlar jamiyati vakilidan 1250 dollar so‘ragan. Ammo tegishli joyga ariza yozilib, nomi zikr etilmagan amaldor hibsga olindi.
Unga 6 yil ozodlikdan mahrum qilish jazosi tayinlandi.