“O‘zbekcharmpoyabzali” uyushmasi boshqaruvi raisi Iskandarxon Otaxonov 55 yoshida olamdan o‘tdi.
Respublika poyabzal sanoati rahbari Turkiyadagi xizmat safari paytida vafot etdi.
Toshkent xalq xo‘jaligi institutini bitirgan Otaxonov faoliyatini “Uzoptgalantereya” bazasida boshlagan; so‘ng “Sport mollari va poyabzali” aksiyadorlik jamiyati boshqaruvi raisi va direktori o‘rinbosari lavozimlarida ishlagan. 2004 yil aprelida “O‘zbekcharmpoyabzali”ning rahbarligiga tayinlangan.