"Yuventus" jamoasi muxlisi bo‘lmish Nikolo de Marki o‘z sevimli jamoasi finalga chiqsa, Berlinga piyoda borish haqidagi va'dasining ustidan chiqdi.
De Marki 9 kun davomida 900 km masofani piyoda bosib o‘tib, Berlinga yetib bordi. U yo‘l davomida velosipeddan ham foydalangan, 12 km masofada esa mashinada yurgan.
Qayd etish joizki, "Yuventus" muxlisi Berlinga 4 iyun kuni kirib kelishni rejalashtirgandi, ammo u charchoq tufayli 5 iyungacha kechikkan.
"To‘g‘ri, mening oyoqlarim biroz shikastlandi, qattiq toliqdim. Ammo Berlinga yetib kelganim zahoti og‘riq o‘z-o‘zidan yo‘qoldi. Men o‘z maqsadimni amalga oshira olganimdan juda baxtliman", deydi muxlis.