Qozog‘iston prezidenti Nursulton Nazarboyev “Qozog‘iston Respublikasi hukumati va Qirg‘iz Respublikasi hukumati o‘rtasidagi chegara vakillari faoliyati to‘g‘risidagi kelishuvni ratifikatsiyadan o‘tkazish to‘g‘risida”gi qonunni imzoladi. Bu haqda Oq O‘rdaning matbuot xizmati xabar bermoqda.
Kelishuv ikki davlat chegarasida rasmiy vakillar faoliyatini tartibga solishga qaratilgan. Ularning oldiga qo‘yiladigan asosiy vazifa chegara ixtiloflarining oldini olish, bunday holatlarni hal qilish, davlat chegarasi rejimini saqlab turishga oid masalalarni hal qilish, qurol-yarog‘ va giyohvandlik moddalari aylanmasiga to‘sqinlik qilishdir.
Ular ko‘rsatilgan holatlardan tashqari, o‘liklarni tanish jarayonida, ularni yurtiga qaytarish bo‘yicha choralar ko‘rish, chegara tumanlarida xo‘jalik ishlarini yuritish singari masalalarda ham rasmiy vakillar javobgar hisoblanadi.
Kelishuv Ostonada 2001 yilning 15 dekabr kuni imzolangan edi.