Xorazm viloyati Yangibozor tumani IIB navbatchilik qismiga kelib tushgan arizaga ko‘ra, IJ markali mototsiklning o‘g‘irlangani ma'lum bo‘ldi. Voqea joyiga yetib kelgan IIB xodimlari tomonidan o‘tkazilgan tezkor chora-tadbirlar natijasida jinoyatchi qo‘lga olindi. U Yangibozor tumanida istiqomat qiluvchi 25 yoshli fuqaro bo‘lib chiqdi. Transport vositasi o‘z egasiga qaytarildi.
Mazkur ish yuzasidan jinoyat ishi qo‘zg‘atilib, tergov ishlari olib borilmoqda.