Rossiyalik Teymuzar Gabashvili O‘zbekistondagi 50 ming dollar mukofot jamg‘armasiga ega “Chellenjyer” musobaqasining g‘olibi bo‘ldi. Rossiyalik tennischi musobaqa finalida boshqa bir rossiyalik tennischi Aleksandr Kudryavtsev bilan bellashdi. Uchrashuv Gabashvili foydasiga 6:2, 1:0 hisobida borayotganda Kudryavtsev jarohati tufayli uchrashuvni davom ettirishdan bosh tortishiga to‘g‘ri keldi. Gabashvili uchun bu g‘alaba joriy yildagi “Chellenjyer” musobaqalaridagi 3-g‘alabasi bo‘ldi, qiziqarlisi tennischi ularning barchasiga O‘zbekiston kortlarida erishgan.
