“Barselona” yarim himoyachisi Andres Inesta jamoaning “Yuventus”dan Pogba hamda “Atletiko”dan Arda Turanni sotib olmoqchi ekani haqida ma'lumotga o‘z fikri bilan o‘rtoqlashdi.
“Istalgan grand jamoa o‘z tarkibida Pogbani ko‘rishni xohlagan bo‘lardi. U yosh hamda juda iqtidorli va hozirning o‘zidayoq eng kuchli jamoalarda o‘ynay oladi. Agar Pol “Barselona”ga o‘tadigan bo‘lsa, uni bu yerda iliq kutib olishadi.
Arda ajoyib futbolchi va u nihoyatda qobiliyatli. Biz uni ham o‘z jamoamizga iliqlik bilan qabul qilamiz”, – deydi Inesta Goal portaliga bergan intervyusida.