"Real" jamoasining uzoq yillik darvozaboni Iker Kasilyas Portugaliyaga yo‘l olishi arafasida jamoa bazasiga tashrif buyurgan va futbolchilar bilan xayrlashgan.
AS nashrida yozilishicha, u bugun mahalliy vaqt bilan soat 10:27da mashg‘ulot o‘tkazayotgan futbolchilar oldiga kelgan va mashg‘ulotlarda tanaffus bo‘lib, o‘ziga xos xayrlashuv marosimi o‘tkazilgan.
Shundan so‘ng, u "Real"ning "Portu" bilan o‘zining transferi bo‘yicha shartlarni kelishib olgan va o‘z buyumlarini olib ketgan.
Yaqin soatlar ichida uning "Portu"ga transfer qilingani rasman e'lon qilinadi.