Rossiyaning Janubiy-Saxalinsk shahrida 21 yoshli qizning nomusiga tajovvuz qilgan ikki nafar 22 yoshli O‘zbekiston fuqarosi huquq-tartibot muassasalari tomonidan qo‘lga olindi. Bu haqda Saxalin viloyati tergov boshqarmasi matbuot xizmati xabar bermoqda.
Jinoyat 7 iyuldan 8 iyulga o‘tar kechasi sodir etilgan. Jinoyatga jami 7 kishi aloqador bo‘lgan, biroq ulardan 5 nafari bevosita zo‘ravonlik harakatlarini amalga oshirgan.
Tergov ma'lumotlariga ko‘ra, jabrlanuvchi o‘z dugonasi bilan gumonlanayotganlardan birining uyiga mehmonga kelgan. U yerda yana 5 nafar o‘zbekistonlik bo‘lgan. Spirtli ichimlik iste'mol qilgandan keyin yigitlar mast holatda qizning hayotiga tahdid qilib, uning nomusiga tajovvuz qilishgan.
Ayni paytda jinoyatning boshqa ishtirokchilarining shaxsi aniqlashtirilmoqda. Tergov jarayoni davom etmoqda.