Muborak Ramazon hayiti munosabati bilan O‘zbekiston Respublikasi Prezidenti Islom Karimov nomiga xorijiy mamlakatlar va xalqaro tashkilotlar rahbarlari nomidan samimiy qutlovlar kelmoqda. Ularda davlatimiz rahbariga mustahkam sog‘liq, muvaffaqiyatlar, O‘zbekiston xalqiga tinchlik-xotirjamlik, ravnaq va farovonlik tilab, ezgu istaklar bildirilgan.
Jumladan:
Ikki muqaddas masjid xodimi, Saudiya Arabistoni Podshohi Salmon bin Abdulaziz Ol Saud;
Saudiya Arabistoni Podshohligi Valiahdi, Vazirlar Mahkamasi raisining o‘rinbosari, ichki ishlar vaziri Muhammad bin Noyif bin Abdulaziz Ol Saud;
Buyuk Britaniya Bosh vaziri Devid Kemeron;
Qatar Davlati Amiri Shayx Tamim bin Hamad Ol Soniy;
Qatar Davlati Amirligi Valiahdi Shayx Abdulloh bin Hamad Ol Soniy;
Qatar Davlati Bosh vaziri, ichki ishlar vaziri Shayx Abdulloh bin Nosir bin Xalifa Ol Soniy;
Jazoir Xalq Demokratik Respublikasi Prezidenti Abdulaziz Buteflika;
Falastin Davlati Prezidenti, Falastin ozodlik tashkiloti Ijroiya qo‘mitasi raisi Mahmud Abbos;
Afg‘oniston Islom Respublikasi hukumati Ijroiya kengashi raisi Abdulla Abdulla;
Singapur Respublikasi Bosh vaziri Li Syan Lun;
Saudiyalik vatandoshlar Safoxon Jalolxon To‘ra Marg‘iloniy va boshqalar;
Toshkent va O‘zbekiston mitropoliti, O‘rta Osiyo mitropoliya okrugi rahbari Vikentiy o‘z tabriklarini yo‘lladilar.
Qutlovlar kelishi davom etmoqda, deb xabar berdi UzA.